लुम्बिनीको मुख्य न्यायाधिवक्तामा थापालाई नियुक्त

जेष्ठ ८, रूपन्देही — लुम्बिनी प्रदेशका मुख्यमन्त्री डिल्लीबहादुर चौधरीले मुख्य न्यायाधिवक्तामा बुद्धबहादुर थापालाई नियुक्त गर्नुभएको छ। यसअघि पूर्वमुख्यमन्त्री लीला गिरीले नियुक्त गरेका खुमकान्त पौडेलले मुख्य न्यायाधिवक्ताको पदबाट राजीनामा दिएपछि चौधरीले थापालाई नियुक्त गर्नुभएको हो ।

वरिष्ठ अधिवक्तासमेत रहेका कांग्रेस क्षेत्रीय प्रतिनिधि थापा बुटवल उपमहानगरपालिका ९ निवासी हुनुहुन्छ । उहा नेपाल प्राध्यापक संघका पूर्व केन्द्रीय अध्यक्ष पनि हुनुहुन्छ । उहाले बुटवल बहुमुखी क्याम्पसमा लामो समय राजनीतिशास्त्र अध्यापन गराउनुभएको थियो ।

राजनीतिशास्त्रमा विद्यावारिधि गर्नुभएका थापाले कानुनमा स्नातक गरर्नुभएको छ। थापा पार्टी संस्थापननिकट समेत हुनुुहुन्छ । उहा कांग्रेस नेता बालकृष्ण खाँणको सिफारिसमा मुख्यन्यायधिवक्ता नियुक्त भएको स्रोतले बताएको छ । थापालाई सोमबार नै शपथ ग्रहण गराउने तयारी छ ।