वनबाटिका नगर कै गौरव बन्ने संकेत : मेयर पौडेलले भने बजेट अभाव हुन दिइनेछैन

कपिलवस्तु १३ जेठ। कपिलवस्तु नगर भित्र पहिलो सम्पदाको रुपमा निर्माणाधिन जगदिशपुर वनवाटिका क्षेत्रका कपिलवस्तु नगरका सबै जनप्रतिनिधी भेलाभई यसलाई नगरकै गहनाका रुपमा निर्माण कार्य अघि बढाउने प्रतिवद्धता जनाएका छन् । वडानं ९ का अध्यक्ष दिपक बहादुर गुरुङको संयोजनमा भएको स्थलगत निरिक्षण तथा छलफल कार्यक्रममा यस योजनालाई अवको बजेटवाट नगरको गौरवको आयोजनाका रुपमा अघि बढाउन बोल्ने बक्ताले माग गरे ।
बिश्व सिमसार क्षेत्रमा सुचीकृत कपिलवस्तु नगरपालिका वडा नम्बर ९ जगदीशपुर ताल नजिकै जगदीशपुर वन बाटिका निर्माण जारी रहेको छ । झरना सामुदायिक वन क्षेत्र भित्र वन बाटिका निर्माण थालिएको हो । जगदीशपुर सिमासार तथा चरा संरक्षित क्षेत्र तथा सगराहवा स्थित शाक्यहरुको सामुहिक बध स्थलकारुपमा रहेका लम्बु सागरको नजिकै जगदीशपुर वन बाटिका निर्माण थालिएको वडा नम्बर ९ का अध्यक्ष दिपक गुरुङले बताए ।
वन क्षेत्रको ६ हेक्टर जग्गा छ । वन बाटिका निर्माण र पर्यटन प्रबद्र्धनकालागि चालु आर्थिक बर्ष २०७९÷०८० मा वडाले साढे १८ लाख बजेट बिनियोजन गरेको छ । त्यस मध्ये वन क्षेत्र भित्र तारबारको काम सकिएको वडा सचिव बिजय पोखे्रेलले बताए । बाटिका निर्माण स्थलमा कपिलवस्तु नगरपालिकाका मेयर सुदीप पौडेल ,उपमेयर सुनिता गुप्ता ,प्रमुख प्रसासकिय गण्ोश अर्याल सहीत सबै वडाध्यक्षको टोलीले स्थलगत निरीक्षण गरी छलफल समेत गरेको छ । मेयर पौडेलले आउने आर्थिक बर्षमा वन बाटिकालागि बजेट बिनियोजन गर्ने प्रतिबद्धता ब्यक्त गरे । उनले भने काम गर्ने वाताबरण मिलाउनोस बजेट कमी हुन दिइनेछैन । कार्यक्रममा वडाध्यक्ष रविन्द्र नाथ तिवारी ,नगर सल्लाहकार अब्दुल रसिद खाँ समाजसेवि सन्तोष गुप्ता, जगशिपुर जलायस वहुसरोकार मञ्चका अध्यक्ष ललित गुरुङ, मालपोत अधिकृत ऋषिराम पौडेल , समाजसेवि देबेन्द्र पोखरेल लगायतले बोल्दै यो बनवाटीका नगरको गौरवको आयोजना बन्नु पर्ने वताए ।
सो अवसरमा नगरपालिकाका प्रमुख प्रशाकीय अधिकृत गणेश प्रसाद अर्यालले बुद्धनगरीमा पर्यटकीय विकासकालागि निर्माण थालिएको वनबाटिकाले पर्यटन प्रबद्र्धन हुने बताए । निर्माणकालागि डिभिजन वन कार्यालय प्रदेश र संघीय सरकारसंग समेत बजेट माग गर्ने निर्णय गरिएको छ ।