प्रदेश राजधानी क्षेत्रमा जग्गा एकीकरणको लागि निवेदन संकलन सुरूवात

दाङ ३१ साउन । लुम्बिनी प्रदेशको राजधानी क्षेत्र राप्ती उपत्यका देउखुरीलाई व्यवस्थित शहरको रुपमा विकास गर्ने उदेश्यले सो क्षेत्रमा जग्गा एकीकरणको लागि जग्गा धनीहरुबाट निवेदन संकलन कार्यको सुरूवात गरिएको छ।मंगलबार राप्ती गाउँपालिका वडा नं। २ मा पर्ने कालिका जग्गा एकीकरण उपआयोजना अन्तर्गत सुन्दर नगर टोलका करिब ४० जना स्थानीय जग्गा धनीहरुबाट निवेदन संकलन गरिएको छ।प्रदेश पूर्वाधार प्राधिकरण द्वारा सञ्चालित जग्गा एकीकरण आयोजनाले उक्त जग्गा एकीकरण कार्यको लागि पहिलो चरणमा उनीहरू बाट सो निवेदन संकलन गरेको हो। यसैगरी जग्गा एकीकरण कार्यको लागि वडाको प्रत्येक टोलहरुबाट क्रमश निवेदन संकलन गरिने आयोजना प्रमुख शंकर सुवेदीले जानकारी दिएका छन् ।संघीय राजधानी काठमाडौंको उदाहरण दिदै पालिका अध्यक्ष विष्टले योजना बिना विकास गर्दा व्यवस्थित र सुन्दर शहर बनाउन नसकिने जिकिर गरे । “योजना बिनाको कुनै पनि विकास व्यवस्थित र सुन्दर हुदैन।”( अध्यक्ष विष्टले भने (” त्यसको जोलन्त उदाहरण संघीय राजधानी काठमाडौं लाई लिन सकिन्छ । त्यसैले यस व्यवस्थित राजधानी विकस गर्ने कार्यलाई तपाईहरुले सहयोग गर्नु पर्दछ ।”त्यस्तै उक्त कार्यक्रममा स्थानीयहरुले राखेको जिज्ञासाहरुको बारेमा जग्गा एकीकरण आयोजनाका अध्यक्ष श्यामेस चौधरी, न्याय परिषदका पूर्व सदस्य तथा आयोजनाका विज्ञ सदस्य पदम वैदिक ,२नं।वडाका वडा अध्यक्ष पहलवान चौधरीले स्पष्ट पारेका थिए ।आयोजनाले उक्त वडामा झण्डै ६५ बिघा जग्गा छनोट गरि कार्य अघि बढाईएको आयोजना कार्यालयले जनाएको छ।
आयोजनाले उक्त वडामा जग्गा एकीकरणको काम अघि बढाए पनि अन्य वडाहरुमा भने केही समस्याका कारण अझै काम शुरु हुन सकेको छैन ।