चौतारी मिलन समारोह सहित कुर्ची दौड प्रतियोगिता : ३ पत्रकारलाई आर्थिक सहयोग

कपिलवस्तु २२ माघ । प्रेस चौतारी नेपालको २६औं स्थापना दिवसको अवसरमा चौतारी मिलन समारोह तथा महिला पत्रकारकालागि कुर्सी दौड प्रतियोगिता कार्यक्रम सम्पन्न भएको छ । प्रेस चौतारी नेपाल कपिलवस्तु जिल्लाको आयोजनामा सोमबार वाणगगा नगरपालिका वडा न ७ ,खारखानिमा उक्त दुबै कार्यक्रम भएको हो । कार्यक्रममा सहभागिता जनाउदै शिवराज नगर पालिका उप प्रमुख शिव कुमारी थारुले स्थापना दिवसको शुभकामना दिनु भयो । प्रेस चौतारिले आम नागरिकका सवालमा रहेर कलम चलाउदै आएको उहाले बताउनु भयो।
कपिलवस्तु शाखाले तीन पत्रकारलाई उपचारमा राहत पुग्ने हेतुले आर्थिक सहयोग प्रदान गरेको छ । जसमा ब्लड क्यान्सरको भारतमा उपचाररत रहनुभएका रेडियो शिवराजका स्टेशन म्यानेज दिपक केसी, सवारी दुर्घटनामा परेका लक्ष्मण सापकोटा र खुट्टाको अप्रेसन गरेका कृष्ण पौडेललाई १०र१० हजार सहयोग गरेको छ ।
महिला पत्रकारको कुर्सी दौडमा गिता थापा तृतिय, सीता बेल्बासे ,दितिय सरिता थारु प्रथम हुनु भएको थियो । कार्यक्रममा विजयनगर गाउपालिका अध्यक्ष गोपाल बहादुर थापा ,वाणगगा नगरपालिका उपप्रमुख रिता कुमाररी थारुको पनि सहभागिता रहेको थियो । प्रेस चौतारीमा आवद्ध पत्रकारको उपस्थित रहेको थियो । जिल्ला उपाध्यक्ष बाबुराम रायमाझीको स्वागतबाट सुरु भएको कार्यक्रमको अध्यक्षता जानू पाण्डेको रहेको थियो भने सन्चालन सहसचिव कुलराज भुसालले गर्नु भएको थियो ।