२ जनालाई टोकेर भाग्दै गरेको चितुवा सेफ्टी टयांकीमा खस्यो

मकवानपुर ३ फागुन ।मकवानपुरको थाहा नगरपालिकामा चितुवाको आक्रमणबाट दुईजना घाइते भएका छन्।बुधबार साँझ थाहा नगरपालिका वडा नम्बर २ मा चितुवाको आक्रमणबाट ६६ वर्षीय हेमन्त कुमार ढकाल र ६० वर्षीया सावित्रीदेवी ढकाल घाइते भएका हुन्।घाइते दुवैजनालाई उपचारको लागि पालुङ प्राथमिक स्वास्थ्य केन्द्र पठाइएको छ। घाइतेहरुको शरीरमा चोटपटक लागेको र अवस्था सामान्य रहेको स्वास्थ केन्द्रले जनाएको छ।आक्रमण गरेपछि चितुवा धपाउन मानिसहरू कराएपछि भागेको चितुवा सेफ्टी ट्याङ्कीमा खसेको थियो। सोही क्रममा चितुवाको मृत्यु भएको स्थानीयको भनाइ छ।