पिकअपको ठक्करवाट चिया पसल चलाउने कोहारको मृत्यू

कपिलवस्तु १६ फागुन ।कपिलवस्तुको बुद्धभूमि नगरपालिका ४ झडुलामाई मन्दिर नजिकै भएको सवारी दुर्घटनाका घाइते शितल कोहाँरको मृत्यु भएको छ । आज साझँ मन्दीर नजिकैको मोडमा पिकअपले र मोटरसाइकललाई ठक्कर दिएको थियो । लु ३ च ४३८३ नम्बरको पिकअपले लु १३ प १८१९ नम्बरको मोटरसाइकललाई ठक्कर दिएको थियो । ठक्कर पछि गम्भिर घाइते भएका शितल कोहाँरको उपचारका लागि कपिलवस्तु अस्पताल तौलिहवा पुराइएको थियो । कोहाँरलाई अस्पतालले मृत घोषणा गरेको इलाका प्रहरी कार्यालय गोरुसिंगेले जनाएको छ । मृतक कोहाँर बुड्ढी हनुमान चोकमा चिया पसल गर्दै आएका थिए ।