दुई युवाको पहलमा बाणगंगामा खुलेको ‘द फिटनेस क्लब’: स्वास्थ्य र फिटनेसको उत्कृष्ट गन्तव्य

कपिलवस्तु । बाणगंगा नगरपालिका वडा नं. ४, चारनम्बरमा सुगम खनाल र शुसील आचार्यले बदलिँदो जीवनशैलीका कारण उत्पन्न हुने शारीरिक र मानसिक समस्यालाई मध्यनजर गर्दै जिम हाउस सञ्चालनमा ल्याएका छन्। विलासितापूर्ण जीवनशैलीले निम्त्याउने समस्याहरूलाई शारीरिक व्यायामद्वारा समाधान गर्ने उद्देश्यले स्थापना गरिएको यो जिम हाउस सबै उमेरका व्यक्तिहरूलाई लक्षित गरिएको छ।

जिम हाउसमा प्रायः सबै अत्याधुनिक सेवा सुविधाहरू उपलब्ध गराइएका छन्, जसले युवा पुस्तादेखि वृद्ध व्यक्तिहरूसम्मलाई शारीरिक फिटनेस र मानसिक शान्ति प्राप्त गर्न सहयोग पुर्याउने विश्वास गरिएको छ।

सुगम खनाल र शुसील आचार्यले उक्त जिम हाउसमा तीन जनालाई रोजगारको अवसर पनि दिएका छन्। जिममा युवा पुस्ताले मात्र होइन, महिलाहरू र हरेक उमेरका पुरुषहरूले पनि सहजै व्यायाम गर्न सक्ने वातावरण प्रदान गरिएको छ।