कोरोना भाइरसको आंशका गरिएका वीरगञ्जका व्यापारीको रिपोर्ट नेगेटिभ

 वीरगंज, १० चैत ।  नोभल कोरोना भाइरस संक्रमित भनिएका पर्साको वीरगञ्जका एकजना व्यापारीको स्वास्थ्य रिपोर्ट नेगेटिभ आएको छ ।  कोरोना भाइरस संक्रमण भएको आशंकामा भारतको बिहार राज्यस्थित पटना मेडिकल कलेजमा भर्ना भएका वीरगन्ज निवासी ६७ वर्षीया व्यापारी  शिवकुमार रुंगटाको स्वास्थ्य रिपोर्टमा कोरोना संक्रमण नेगेटिभ आएको अस्पतालले जनाएको छ ।   बिहारस्थित पटना मेडिकल कलेज अस्पतालले आइतबार साँझ रुंगटाको परिवारलाई उपलब्ध गराएको स्वाब र रगतको नमूना परीक्षण नतिजामा कोरोना संक्रमण नेगेटिभ आएको हो । 

          भारतको दिल्लीबाट केही दिनअघि मात्र वीरगन्ज आइपुगेका रुंगटा बिरामी भएपछि थप उपचारका लागि पटना लगिएको थियो । नेपालका  केही सञ्चारमाध्यमले पटना मेडिकल कलेजमा उपचाररत रुंगटामा कोरोना पोजेटिभ देखिएको समाचार प्रसारण गरेका थिए ।