कपिलवस्तु १३ चैत्र ।कपिलवस्तुको कुश्मामा भारतको विभिन्न स्थानबाट आएका १६ जनालाई स्थानियले अग्रसरता लिई होम क्वारेन्टाइनमा राखेको समाचार प्राप्त भएको छ । विदेशबाट आउने नागरिकहरुका कारण वडावासीनै त्रसित हुने स्थिती आएपछि स्थानीय नारायण पौडेलको संयोजकत्वमा कोरोना विरुद्धको समन्वय समिति गठन गरि १६ जनालाई क्वारेन्टाइनमा राखिएको हो । परिक्षणमा कसैलाई पनि ज्वरो नआएको र रुघाखोकी समेत नलागेको पाइएपछि उनीहरुलाई होम क्वारेन्टाइनमा राखिएको वडा सदस्सीय खगेश्वर पौडेलले बताउनु भयो ।
कपिलवस्तु नगरपालिका वडानं ९ मा पर्ने उक्त स्थानका बासीन्दा रोजगारीका क्रममा भारतमा गएका थिए । उनीहरुलाई सुरक्षित रहन र गाउँसमाजलाई सुरक्षित राख्न स्थानीय युवाले यस्तो कदम चालेका हुन । क्वारेन्टाइनमा राख्नु पुर्व निग्लिहवा स्वास्थ्य चौकी जगदिशपुरका प्रमुख हरिराम चौधरीले सबैको स्वास्थ्य अवस्था परिक्षण गर्नु भएको थियो ।
प्रतिक्रिया