दाङमा कोरोना सङ्क्रमित महिलासँग यात्रा गरेका तीन जनाको रिपोर्ट नेगेटिभ

दाङ ३ बैशाख ।  कैलालीमा कोरोना सङ्क्रमण भेटिएकी महिलासँगै आएका दाङका ३ जनाको रिपोर्ट नेगेटिभ आएको छ ।दाङको बेलझुण्डीको कोरोना विशेष अस्पतालको आइसोलेसन वार्डमा रहेका १४ जनामध्ये ९ जनाको कोरोना भाइरस परीक्षणका लागि मंगलबार स्वाब काठमाण्डौ पठाइएको थियो ।नेगेटिभ रिर्पोट आएका ४ जनामध्ये कोरोना पोजेटिभ भएकी महिलासँग ३ जना थिए । कोरोना विशेष अस्पतालका अनुसार कोरोना विशेष अस्पतालमा रहेका १४ जनामध्ये ९ जनाको स्वाब मंगलबार पठाए पनि बाँकी ५ जनाको स्वाब आज पठाइने छ ।