वि.सं. २०७७ मा प्रदेश ५ मा छ दिन सार्वजनिक विदा, यी हुन् समेटिएका जात्रा

बुटवल, ११ बैशाख । प्रदेश ५ सरकारले वि.सं. २०७७ मा छ दिन विदा दिने निर्णय गरेको छ । प्रदेश सरकारको मन्त्रीपरिषद बुधबार बसेको बैठकले यस्तो निर्णय गरेको हो । मुख्यमन्त्री कार्यालयका अनुसार ति छ दिनको विदा ४ दिन प्रदेशभरीका लागि एउटै रहेको छ भने एक दिन स्थानीय तहले विदा दिन पाउनेछन । अर्को एक दिन भने निश्चित पर्व मनाउने समुदाय र ठाउँका लागि विदा तोकिएको छ ।

        वि.सं. २०७७ सालमा प्रदेशले दिने ६ दिनको विदा सम्बन्धी निर्णय भएको र त्यसमध्ये ४ दिन प्रदेशभर एउटै प्रकारको हुने छ ।छुट्याइएको विदामा बकरइद, माघ १ गते र २ गते मााघी विदा, फागुन ३ गते ग प्रदेश स्थापना दिवस रहेका छन् । त्यसैगरी स्थानीय तहको निर्णयबाट हुनेगरी एक दिनको विदा छुट्याइएको छ । छुट्टै पर्व मनाउने समुदाय र ठाउँलाई केन्द्रित गरेर १ दिन विदा छुट्याइएको छ । रुकुम रोल्पामा मनाइने भूमे पूजा, थारु समुदायलाई लक्षित गरी बडकी आइतवारी र पाल्पाको भगवती जात्राका लागि पनि विदा दिइएको छ ।