गर्भवती महिलाको हेलिकोप्टरबाट उद्दार

प्यूठान, २५ बैशाख ।  प्यूठानकी एक गर्भवती महिलाको उद्दार गरी काठमाडाँै पठाइएको छ । मल्लरानी गाउँपालिका –३ बर्बोटकी ३० वर्षीय शिवा पोख्रेललाई हेलिकप्टरमार्फत काठमाडौं पठाइएको हो । बन्दाबन्दीका समयमा पोख्रेलको स्वास्थ्यावस्था जटिल भएका कारण उहाँको उद्धार गरिएको प्राथमिक स्वास्थ्य केन्द्र भिंग्रीका प्रमुख राजेन्द्र पौडेलले जानकारी दिनुभयो ।  सुत्केरी व्यथाले छट्पटाइरहेकी पोख्रेलको प्युठानमा उपचार सम्भव नभएपछि गृह मन्त्रालयबाट स्वीकृत लिई हेलिकप्टरमार्फत निजामती अस्पताल पठाइएको प्रमुख जिल्ला अधिकारी कृष्णप्रसाद पन्थले जानकारी दिनुभयो । 

            राष्ट्रपति महिला उत्थान कार्यक्रमअन्तर्गत जटिल स्वास्थ्यवस्था भएका गर्भवती तथा सुत्केरीको हवाई उद्धार गरी उपचारको व्यवस्था गर्दै आएको छ । प्युठानमा भने कार्यक्रम  लागू नभएका कारण हेलिकोप्टर चार्टड गरेको भाडा परिवारले नै व्यहोर्नु पर्नेछ ।