अमेरिकामा कोरोना भाइरसबाट ९० हजार ९ सय बढीको मृत्यु

एजेन्सी, ५ जेठ ।  विश्वभर महामारीको रुपमा फैलिएको कोरोना भाइरसको महामारीले अमेरिकामा ९० हजार ९७५ को  मृत्यु भएको छ । पछिल्लो २४ घण्टामा थप ८६२ जनाको मृत्यु भएको छ । योसँगै कुल मृतक संख्या ९० हजार ९७५ पुगेको छ ।

        अमेरिकामा संक्रमणको दरमा तुलनात्मक हिसाबले कम देखिएसँगै कुल संक्रमितको संख्या १५ लाख २७ हजार ४८६ पुगेको छ । अमेरिकामा संक्रमितमध्ये ३ लाख ४४ हजार ९७३ जना उपचारपछि निको भएर घर फर्किसकेका छन् ।  उपचार गराइरहेका १० लाख ९० हजार ९२६ जनामध्ये १६ हजार ३५३ जनाको स्वास्थ्य अवस्था गम्भीर रहेको छ । विश्वकै शक्तिसाली राष्ट्र अमेरिकालाई कोरोना भाइरसले गम्भीर संकट निम्ताउँदै गएको छ ।