नरैनापुरमा एकैपटक थपिए ४७ पोजेटिभ । ३ सय ५७ संक्रमित दुई जनाको मृत्यु ।

नेपालगञ्ज ५ जेठ ।

बाँकेमा थप ४७ जनामा कोरोना भाइरस कोभिड १९ को संक्रमण पुष्टि भएको छ । भेरी अस्पतालस्थित प्रयोगशालामा १९० जनाको परीक्षण गर्दा ४७ जनाको रिपोर्ट पोजेटिभ आएको छ । ति बाँके नरैनापुर गाउँपालिकाका नागरिक हुन । नरैनापुरमा आइतबार विहान एक युवकको कोरोना संक्रमणले मृत्यु समेत भएको थियो । ४६
महिला १ पुरुष पोजेटिभ देखिएको स्वास्थ्य मन्त्रालयले जनाएको छ ।

कुल २ सय ६३ जनाको परीक्षण भएको  थियो । बाँके नरैनापुर गाउँपालिका वडा
नं.५ स्थित क्वारेन्टाइनमा आइतबार विहान एक युवकको मृत्यु भएपछि नरैनापुर
क्षेत्रमा त्रासको माहोल छ । मान्छेहरु घर भित्रै छन् । गतसाता बुधवार भारतको मुम्बईबाट आएका नरैनापुर ५ बस्ने युवकको क्वारेन्टाइनमा राति ३ बजे मृत्यु भएको थियो ।

यसैगरी, स्वास्थ्य मन्त्रालयले दिएको जानकारी अनुसार मोरङ, गुल्मी, धादिङ,
दाङ, रौतहट र धनुषामा कोरोनाभाइरसका संक्रमित थपिएका हुन्। उनीहरू सबै १८
देखि ४६ वर्ष उमेर समूहका छन्। योसँगै नेपालमा कोरोनाभाइरस संक्रमितको संख्या ३ सय ५७ जना पुगेको छ।
तीमध्ये दुई जनाको मृत्यु भएको छ भने ३६ जना निको भएर घर फर्किसकेका छन्।