एजेन्सी, ८ जेठ । विश्वभर महामारीको रुपमा फैलिदै गएको कोरोना भाइरसको महामारीबाट विश्वभर ३ लाख २९ हजार ७२१ जनाको मृत्यु भएको छ । कोरोना भाइरसको महामारीले ५० लाख ८५ हजार ६६ जना संक्रमित भएका छन् । कोरोना भाइरसबाट २० लाख २१ हजार ८४३ जना उपचारपछि सन्चो भएर घर फर्केका छन् । बितेको २४ घण्टामा साढे ४ हजार बढीले ज्यान गुमाएका छन् भने करिब ९७ हजार जनामा संक्रमण पुष्टि भएको छ ।
विश्वका विभिन्न अस्पतालहरुमा २७ लाख ३३ हजार ५०२ जनाको उपचार भइरहेको छ । अस्पतलमा उपचारारत मध्ये ४५ हजार ८०२ जनाको स्वास्थ्य अवस्था गम्भीर रहेको वल्डोमिटरको तथ्याङ्कमा उल्लेख छ । विहिबार विहानसम्म संक्रमणबाट युरोपियन मुलुकहरुमा १ लाख ६५ हजार बढीको मृत्यु भएको छ । उत्तर अमेरिकी मुलुकहरुमा १ लाख ७ हजार बढीको मृत्यु भएको छ । यस्तै एसियाली मुलुकहरुमा साढे २५ हजार भन्दा धेरैको मृत्यु भएको छ ।
अहिलेसम्म कोरोना भाइरसको महामारीको सबैभन्दा बढी प्रभाव अमेरिकामा परेको छ । त्यहाँ ९४ हजार ९९४ जनाको मृत्यु भएको छ । १५ लाख ९१ हजार ९९१ जना संक्रमित भएका छन् ।अमेरिकापछि रुसमा सबैभन्दा बढी संक्रमण देखिएको छ । त्यहाँ ३ लाख ८ हजार ७०५ जना संक्रमित भएका छन् भने २ हजार ९७२ जनाको मृत्यु भएको छ । कोरोना कहरले विश्वको अर्थव्यवस्था नै तहस नहस बनाउँदै गएको छ भने करोडौं मानिसहरु बेरोजगार बनेका छन् ।
प्रतिक्रिया