एजेन्सी, ९ जेठ । विश्वमा महामारीको रुपमा फैलिदै गएको कोरोना भाइरसको महामारीबाट विश्वभर ३ लाख ३४ हजार ६१६ जनाको मृत्यु भएको छ । कोरोना भाइरसको महामारीले ५१ लाख ९४ हजार ९९जना संक्रमित भएका छन् ।
यस्तै २० लाख ८० हजार ८२३ जना मानिस उपचारपछि निको भएर घर फर्केका छन् । बितेको २४ घण्टामा ५ हजार बढीले जनाले ज्यान गुमाएका छन् भने १ लाख ५ हजार बढीमा संक्रमण पुष्टि भएको छ । कोरोना भाइरस पुष्टि भएका २७ लाख ७८ हजार ५६० जनाको उपचार भइरहेको छ । उपचारारत मध्ये ४५ हजार ६२० जनाको स्वस्थ्य अवस्था अत्यन्तै गम्भीर छ ।
कोरोना भाइरसकै संक्रमणबाट युरोपियन मुलुकहरुमा १ लाख ६६ हजार ८ सय बढीको मृत्यु भएको छ । त्यस्तै १८ लाख ४८ हजार ३ सय बढी संक्रमित भएका छन् । यस्तै एसियाली मुलुकहरुमा २६ हजार २ सय भन्दा धेरैको मृत्यु भएको छ । ८ लाख ८७ हजार २ सय भन्दा धेरै जना संक्रमित भएका छन् ।
विश्वमै कोरोना भाइरसको महामारीको सबैभन्दा बढी प्रभाव अमेरिकामा परेको छ । त्यहाँ ९६ हजार ३५४ जनाको मृत्यु भएको छ । १६ लाख २० हजार ९०२ जना संक्रमित भएका छन् । अमेरिकापछि रुसमा सबैभन्दा धेरैमा संक्रमण पुष्टि भएको छ । रुसमा ३ लाख १७ हजार ५५४ जना संक्रमित भएका छन् भने ३ हजार ९९ जनाको मृत्यु भएको छ । साढे ४ महिना अघि चिनको बुहानमा देखा परेको कोरोना भाइरसले विश्वकै जनजीवन अस्तव्यस्त पार्दै लगेको छ । अहिलेसम्म विश्वका २१३ राष्ट्र र २ वटा पानी जहाजमा कोरोना भाइरसको संक्रमण पुष्टि भएको छ ।
प्रतिक्रिया