बलात्कारको आरोपमा तीन जना पक्राउ

पाल्पा, १६ जेठ ।  पाल्पामा बलात्कारको आरोपमा आज तीन जना पक्राउ परेका छन् ।  जेठ १० गते तिनाउ गाउँपालिका वडा नम्बर २ र ३ को सिद्धार्थ राजमार्ग नजीकै किशोरीलाई बलात्कार गरेको आरोपमा उनीहरुलाई पक्राउ गरिएको प्रहरीले जनाएको छ । 

            किशोरीका परिवारको किटानी जाहेरीका आधारमा स्थानीयवासी अभियुक्त २८ वर्षीय, ४३ वर्षीय र २४ वर्षीय युवकलाई पक्राउ गरिएको जिल्ला प्रहरी कार्यालयका प्रहरी निरीक्षक लक्ष्मण पचभैयाले जानकारी दिनुभयो । आरोपितहरु उपर सुक्ष्म अनुसन्धान भइरहेको प्रहरीले जनाएके छ ।