कपिलवस्तुका साझेदारी वनद्वारा १५ लाखको पिसिआर किट वितरण

कपिलवस्तु, २ असार । कपिलवस्तु जिल्लाका तीन साझेदारी वन व्यवस्थापन समितिले  आज कोरोना भाइरस परीक्षण किट वितरण गरेका छन् ।  गौतमबुद्ध डिभिजन वन कार्यालय क्षेत्रअन्तर्गत पर्ने शिवराज, कृष्णनगर, महाराजगञ्ज र  बुद्धभूमि नगरपालिका तथा विजयनगर गाउँपालिकालाई किट हस्तान्तरण गरिएको कपिलवस्तु साझेदारी वन समितिका अध्यक्ष गङ्गेशनाथ तिवारीले बताउनुभयो ।

        कपिलवस्तु साझेदारी तथा शिवराज र गौतमबुद्ध साझेदारी वन व्यवस्थापन समितिले रु १५ लाखको तीन हजार ८५० पिसिआर किट खरीद गरी वितरण गरेका हुन् । साझेदारी वनले पिसिआर किट वितरण गर्नु स्राहनीय कार्य भएको कपिलवस्तुका अधिकारकर्मीहरुले बताएका छन् ।