कपिलवस्तु, ५ असार । सिद्धार्थ क्याम्पस बाणगंगा, बुङ्चीले अन्तर्राष्ट्रिय मापदण्ड अनुरुपको ‘गुणस्तर सुनिश्चितता तथा प्रत्यायन’ (क्यूएए) प्रमाणपत्र प्राप्त गर्ने निश्चित भएको छ । विश्वविद्यालय अनुदान आयोगले विहिबार पत्रचार गरी क्याम्पसलाई क्युएए प्रमाणपत्र प्रदान गर्ने निर्णय भएको जानकारी दिए पछि गुणस्तर प्रमाणीकरण हुने सुनिश्चित भएको क्याम्पस प्रमुख खेमराज शर्माले जानकारी दिनु भयो ।
विश्व विद्यालय अनुदान आयोगले आगामी सोमबार अनलाईनमा आधारित ‘गुणस्तर सुनिश्चितता तथा प्रत्यायन प्रमाणपत्र वितरणको भर्चुअल समारोह’ आयोजना गरेको र सोहि समारोह मार्फत क्याम्पसलाई प्रमाणपत्र प्रदान गर्ने क्याम्पस प्रमुख शर्माले बताउनु भयो ।
क्याम्पसको गुणस्तर परीक्षणको लागि आयोगले गठन गरेको विज्ञ टोलीले विभिन्न चरणमा क्याम्पसको अनुगमन, निरीक्षण तथा मूल्याङ्कन गर्दै पछिल्लो समय गत पुस महिनामा ५ दिनसम्म क्याम्पसका विविध पक्षको शुक्ष्म अध्ययन गरि अन्तिम मूल्याङ्कन गरेको थियो ।
प्राध्यापक डाक्टर जयराज अवस्थीको संयोजकत्वमा प्रा.डा. रत्नमाला आर्या, प्रा.डा. मिना वैद्य मल्ल, प्रा.डा. कमलदीप ढकाल र ममता प्रजापती सहितको ५ सदस्यीय पिआरटी टोलीले पुस ७ देखि ११ गते सम्म सबै सरोकारवाला संग छुट्टाछुट्टै अन्तक्र्रिया तथा छलफल गरेको थियो । टोलीले ५ दिनसम्म क्याम्पसमै आवासीय रुपमा रहेर क्याम्पसका सम्पूर्ण पक्षको शुक्ष्म ढंगले अध्ययन तथा अवलोकन गरेको थियो ।
पाँच दिन लामो अध्ययन पश्चात प्रा.डा. अवस्थी नेतृत्वको उक्त टोलीले आफ्नो अध्ययन प्रतिवेदन क्याम्पसको बन्द कोठा बसेर तयार गरि आयोगमा पेश गरेको थियो । सोहि प्रतिवेदनका आधारमा प्रमाणीकरणको लागि सिफारिस भए पश्चात आयोगले प्रमाणपत्र प्रदान गर्ने निर्णय गरोको हो । आयोगले सोमबार सिद्धार्थ क्याम्पससंगै रुपन्देहीको शहिद नारायण पोख्रेल रामापुर क्याम्पस र धादिङको निलकण्ठ बहुमुखी क्याम्पसलाई समेत प्रमाण पत्र प्रदान गर्दैछ ।
प्रतिक्रिया