पहिरोको पीडा थपिदै ,२ को मृत्यू ७ घरका १६ बेपत्ता

सिन्धुपाल्चोक २८ भदौ । सिन्धुपाल्चोकको बाह्रबिसे नगरपालिकाको वडा नम्बर ७ का दुई स्थानमा गएको पहिरोमा परी मृत्यु भएका दुई जनाको परिचय खुलेको छ।नाकुचे भन्ने स्थानमा गएको पहिरोमा पुरिएकी ६३ वर्षीया भक्तिमाया श्रेष्ठको शव फेला परेको छ। जिल्ला प्रहरी कार्यालयका प्रहरी नायब उपरीक्षक (डिएसपी) प्रकाश सापकोटाका अनुसार सात वटा घर बगाएको छ भने १६ जना बेपत्ता छन्।

     त्यस्तै भिरखर्कको बिक टोलमा दुई घर बगाएको छ। पहिरोमा पुरिएकी २० वर्षीया जुनु बिकको शव फेला परेको डिएसपी सापकोटाले जानकारी दिए।त्यस्तै अन्य ६ जना अझै बेपत्ता भएका छन्। अर्को चेम्बे भन्ने स्थानमा पनि पहिरो गएको उनले बताए। यद्यपी त्यहाँ मानविय क्षति भएनभएको पुष्टि भइसकेको छैन।नगरपालिकाकी मेयर सुशिला पाख्रिनले पहिरोमा ३ जनाको मृत्यु भएको जनाएका थिइन्।