काठमाडौं ५ कार्तिक । राहदानी विभागले २० लाख थान इ–पासपोर्ट छपाईको जिम्मा फान्सेली कम्पनी आइडीइएमआइए आइडेन्टी एन्ड सेक्युरेटी फ्रान्स एसएएसलाई दिने भएको छ।विभागले तेस्रो पटक गरेको टेन्डरमा सबैभन्दा कम रकममा काम गर्ने भन्दै कबुल गरेको फ्रान्सेली कम्पनी एसएएसलाईलाई दिने गरी बुधबार लेटर अफ इन्टेन्ट जारी गरेको छ।विभागले छुटसहित २ करोड ११ लाख डरलरमा २० लाख थान इपासपोर्ट छपाईका लागि एसएएससँग सम्झौता गर्न लागेको हो।
विभागले ई-पासपोर्ट छपाइका लागि तेस्रो पटक असोज ८ मा टेन्डर गरेको थियो।विभागले फागुन १९ गते गरेको २० लाख थान ई-पासपोर्ट छपाइको टेन्डर अन्तिम चरणमा आएर रद्द भएको थियो। सहभागी कम्पनीहरुको केही प्रमाण नपुगेको भन्दै विभागले यही असोज ५ गते दोस्रो पटक टेन्डर रद्द गरेको थियो।यसअघि विभागले गत फागुन १९ गते गरेको टेन्डरमा ४ वटा कम्पनीको आवेदन परेको थियो। सहभागी ४ वटै कम्पनीले स्पेसिफिकेसन पूरा नगरेका कारण फागुनमा भएको टेन्डर रद्द भएको थियो।
प्रतिक्रिया