कपिलवस्तु कार्तिक ११ गते
कपिलवस्तुको
कृष्णनगर–६ भिल्मीमा मङ्गलवार उखु खेतमा आगलागी हुँदा लाखौँको क्षति भएको छ
। धान काटे पछि खेतमा आगो लगाउँदा तीन बिगाहा जग्गामा लगाइएको उखु नष्ट
भएको छ । आगलागीका कारण करिब र्र्दुई लाख पचास हजार मूल्यको क्षति भएको
जिल्ला प्रहरी कार्यालय कपिलवस्तुका प्रहरी नायव उपरीक्षक धर्मराज
भण्डारीले बताएका छन् ।
दिउसो ४ बजे लागेको आगो एक घण्टा पछि
नियन्त्रणमा आएको थियो । आगलागीले मोबिन मुसलमान, दरबारी यादव, बनाहै कोरी,
निव्वर यादव र किशोर यादवको उखुमा क्षति पुराएको प्रहरीले बताएको छ ।
नेपाल प्रहरी, सशस्त्र प्रहरी, दमकल र स्थानीयहरूले सहायताले आगो
नियन्त्रणमा लिएका थिए । उखु बारी नजिकै रहेको एक बिगाहामा काटेर सुकाएको
धानलाई समेत आगोले नष्ट गरेको छ । आगलागी भएका उखु एक महिना पछि बिक्रीको
लागी तयार हुने अवस्थामा रहेको थियो ।
११ कार्तिक २०७७, मंगलबार
प्रतिक्रिया