भारत लैजान लागेको अवैध सुन पक्राउ

मायादेवी १५ असोज। कपिलवस्तुको मायादेवी गाउँपालिकामा प्रहरीले अवैध सुन सहित १ जना लाई नियन्त्रणमा लिएको छ । भारत तर्फ लैजादै गरेको अवस्थामा भारतको अलिगडवाका वर्ष ३४ को पवन कुमार गुप्ता र वर्ष १५ को महीमा गुप्तालाई नियन्त्रणमा लिइ अनुसन्धान गरेको छ । लु ५६ प ६३१० नम्बरको मोटरसाइकलमा लैजादै गरेको अवस्थामा मायादेवी ५ बनकसीयाबाट पक्राउ गरेको हो । 

जिल्ला प्रहरी कार्यालय कपिलवस्तुका प्रहरी उपरीक्षक नवराज अधिकारीले पक्राउ परेको बस्तु पहेलो पदार्थ रहेको र सुन हो की होइन भनी चेक जाँच पछि थाहा पाउने बताउनु भयो । घटनाको बिषयमा थप जानकारी शुक्रवार सम्म आउने बताइएको छ  ।  (घटना स्थलमा प्रेसपाटीका संवाददाता राघबेन्द्र चौवेको सहयोगमा )