रुपन्देहीमा एकैदिन रहस्यमय तवरले ३ पुरुषको शव फेला

बुटवल १९ मंसिर ।रुपन्देहीमा एकैदिन रहस्यमय तवरले ३ पुरुषको शव फेला परेको छ । रुपन्देहीको बुटवलका दुई ठाउँ र मर्चवारी गाउँपालिका १ महुवाटमा गरी तीन जना पुरुषको शव फेला परेको प्रहरीले जनाएको छ । बुटवल उपमहानगर पालिका वार्ड १२ नयागाँउ खानेपानी ट्याङकी नजिकै सैनामैना न.पा.१ बन्कट्टा बस्ने वर्ष २९ का किशोर थापा मृत अवस्थामा फेला परेको प्रहरीले जनाएको छ ।
        
     उनले मादक पदार्थ सेवन गरेको प्रहरीले जनाएको छ । यता मर्चवारी गाउँपालिका १ महुवाघाटमा मायादेवी गाउँपालिका ८ बस्ने वर्ष २० का अजयकुमार बानियाँ मृत अवस्थामा फेला परेका छन् । त्यस्तै, बुटवल उपमहानगरपालिका ९ स्थित भुड्कीचोकको आकाशे पुलमुनि ५५ वर्षीय एक व्यक्ति मृत फेला परेका छन् । तीनवटै घटनाका विषयमा थप अनुसन्धान भैरहेको प्रहरीले जनाएको छ ।यता पाल्पाको रामपुरमा छतबाट खसेर एक जनाको मृत्यु भएको छ ।

     रामपुर नगरपालिका–६, बस्ने ५७ वर्षका नेत्रबहादुर हमालको आफ्नै घरको छतबाट खसेर मृत्यु भएको प्रहरीले जनाएको छ ।प्रदेश प्रहरी कार्यालय दाङले कच्चीघरको एक तले छतबाट भूइँमा खसेर गम्भीर घाइते भएका हमालको उपचारका लागि रामपुर अस्पताल ल्याएपछि  मृत्यु भएको  जनाएको छ ।  प्रहरीले घटनाको थप थप अनुसन्धान  भइरहेको जनाएको छ ।