बुद्धभुमीको गुडरुंग खोलामा ढुंगा चोर्दा स्थानीयले समाएर प्रहरीलाई बुझाए ।

कपिलवस्तु मङसिर २७

कपिलवस्तुको बुद्धभुुमी नगरपालिका १ चंघाटमा ढुंगा चोरेर ल्याउदै गरेको ट्याक्टर स्थानीयले समाएका छन् । शुक्रवार राती ९ बजे गुडरुंग खोलाबाट ढुंगा चोरेर ल्याउदै गर्दा स्थानीय युवाले नियन्त्रणमा लिएका थिए । ट्याक्टर नियन्त्रणमा लिए पछि ईलाका प्रहरी कार्यालय गोरुसिंगेमा खवर गरेका थिए । प्रहरी आउने थाहा पाए पछि ट्याक्टर चालकले लोड गरेको ढुंगा खोलामा अनलोड गराएका थिए । 

प्रहरीले चंघाटका स्थानीय दिनानाथ अधिकारीको लु ४ त ५७८५ र बुद्धीराम थारुको लु ४ त २३९० नम्बरको ट्याक्टर नियन्त्रणमा लिएको छ । स्थानीयका अनुसार बुद्धभुमी नगरपालिका योजना अन्र्तगत नाली निमार्णका लागि ढुंगा चोरीएको थियो । नगरपालिकाले उक्त योजनाका लागि ५ लाख रुपैया बजेट बिनियोजन समेत गरेको छ । रकम जोगाउनका लागि समितीका अध्यक्ष मिना भुसालको निर्देशनमा रातको समयमा ढुंगा चोर्न जाँदा नियन्त्रय लिएको बताइएको छ ।