लुम्बिनी साकोसको १५ औं साधारण सभा सम्पन्न ।

कपिलवस्तु २८ पुस । कपिलवस्तुको बुद्धभुमी नगरपालिका वडा नं. २ गोरुसिंगेमा रहेको लम्बिनी बचत तथा ऋण सहकारी संस्था लिमिटेडको पन्ध्रौ वार्षिक साधारण सभा मंगलवार सम्पन्न भएको छ ।    साधारण सभामा ९ करोड ५० लाख बराबरको आर्थिक प्रगती प्रतिवेदन प्रस्तुत गरिएको थियो । संगम प्यालेसको सभाहलमा सम्पन्न सभामा बुद्धभुमी नगरपालिका वडा नं. २ का अध्यक्ष भेषराज शर्मा खनाल, बुद्धभुमी नगरपालिका सहकारी शाखा प्रमुख विजय भुसाल, हिमलाल बेल्वासे लगायतले शुभकामना मन्तव्य राख्नु भएको थियो । सभा सहकारीका अध्यक्ष दिनेश बन्जाडेको अध्यक्षता र सचिब निलकुमार श्रेष्ठको संचालनमा सम्पन्न भएको थियो ।