कपास उद्योगमा आगो लाग्दा १ करोड रुपैयाँभन्दा धेरैको नोक्सान

काठमाण्डौ २२ माघ । काठमाण्डौको चन्द्रागिरी नगरपालिका १० किसनडोलमा कपास उद्योगमा आगो लाग्दा १ करोड रुपैयाँभन्दा धेरैको नोक्सान भएको छ ।मेसिन तातेर आगो निस्किएको र त्यसैबाट आगोलागी भएको चन्द्रागिरी नगरपालिकाका प्रवक्ता हरीभक्त महर्जनले जानकारी दिनुभयो । आर्मी, शसस्त्र प्रहरी, नेपाल प्रहरी र स्थानीयहरुको सहयोगमा गएराति नै आगोलाई नियन्त्रणमा लिइएको छ ।सतुंगलबाट बोसिगाउँ जाने बाटोमा पर्ने खुसीखुसी बस्तीको नजिकै नविन श्रेष्ठले संचालन गरेको कपास उद्योगमा लागेको आगो नियन्त्रण गर्न ८ वटा दमकलको प्रयोग गरिएको नगरपालिकाका प्रवक्ता महर्जनले बताउनुभयो ।