पठाओलाई समर्थन गरेकोमा यात्रुलाई भाडामा ५० प्रतिशत छुट दिँदै

काठमाडौं १२ चैत्र । पठाओले आफ्नो सेवाको बारेमा समर्थन गर्दै आईएमविथपठाओ ह्यासट्याग ट्रेण्डिङ्ग भएकोमा आफ्ना यात्रुहरुलाई भाडादरमा छुट दिने भएको छ ।पछिल्लो दिनमा ट्याक्सी व्यवसायीहरुसँग भएको झड्प पछि विवाद र चर्चामा आएको पठाओले आफ्नो यात्रुहरुको आगामी पहिलो राइडमा ५० प्रतिशत छुट दिने घोषणा गरेको हो ।कम्पनीले हालै आफ्नो ट्विटर ह्याण्डलबाट सो घोषणा गरेको हो ।जसअनुसार #IAmWithPathao  ह्यासट्याग ट्रेण्ड गराउन र सेवालाई समर्थन गरेकोमा धन्यवाद स्वरुप सो छुट दिएको उल्लेख छ ।यसअनुसार आज मार्च १५ तारिख एक दिनका लागि राती ११ः५५ बजेसम्म ५० प्रतिशत छुट पाउने भएकोछ ।यसको लागि कम्पनीले उपलब्ध गराएको प्रोमो कोड “IMWITHPATHAO” ” प्रयोग गर्नुपर्ने कम्पनीले उल्लेख गरेको छ ।