कपिलवस्तु
बाणगंगा नगरपालिकाका १८ विद्यालयमा शिक्षण सामाग्री निर्माण तथा प्रयोग कार्यशाला सम्पन्न भएको छ । होटेल माछापुच्छ्रे जितपुरमा भएको तालिममा नगरपालिकाका वडा नं. ३, १० र ११ का १ देखी ५ सम्मका शिक्षकलाई प्रशिक्षण दिइएको थियो । सिद्धार्थ सामाजिक विकास केन्द्रको आयोजना, स्ट्रोम फाउण्डेसनको सहयोगमा सम्पन्न भएको तालिममा नगरपालिका सँग समन्वय गरिएको थियो ।
साना बालबालिकालाई सिकाउनका लागि शिक्षण सामाग्री निर्माण तथा प्रयोग, सहजिकरण सिप, पठन सिप विकास, एकिकृत पाठ्यक्रमको विषयमा सहजिकरण भएको प्रशिक्षक रिता बोहोराले बताउनु भयो । तालिममा सहभागी भए पछि बालबालिकालाई सिकाउन सजिलो हुने सहभागि शिक्षिका कमला थापाले बताउनु भयो । कार्यशालाका रिता थापा बोहोरा, जानु पाण्डे र बाणगंगा नगरपालिकाका उपसचिव बाबुराम भट्टराई ले सहजीकरण गर्नु भएको थियो ।
समापन कार्यक्रममा बोल्दै सिद्धार्थ सामाजिक विकास केन्द्रको सचिव रोमाकान्त घिमिरेले सिड्स परियोजनाले नगरपालिकाका ३ वडामा बालबालिकाका क्षेत्रमा सहयोग गर्दै आएको बताउनु भयो । ति वडामा शिक्षाको सुधारको लागि संस्थाले कार्यशाला संचालन गरेको बताउनु भयो । कार्यशालामा संस्थाका वरिष्ठ कार्यक्रम संयोजक आर टि खान, सामुदायिक परिचालक भावना सेन थापा , पवित्रा वि.क., सहभागी शिक्षक फेरु थारु लगायतले बोल्नु भएको थियो ।
प्रतिक्रिया