खाली सिलिण्डर फिर्ता गरिदिन सिउवा संघको आग्रह

२५ बैशाख भैरहवा ; 

रुपन्देहीको सिद्धार्थ उद्योग वाणिज्य संघले आफूसँग स्टकमा रहेको खाली अक्सिजन सिलिण्डरहरु फिर्ता गरिदिन आग्रह गरेको छ । कोरोना संक्रमितको उपचारका लागि अक्सिजन सिलिण्डर अभाव भएपछि संघले शुक्रबार विज्ञप्ति जारी गर्दै खाली सिलिण्ड फिर्ता गरिदिन आग्रह गरेको हो । उद्योगी व्यवसायी र आमनागरिकसँग स्टकमा रहेको खाली सिलिण्डर सम्बन्धित उद्योग र सरकारले तोकेको निकायहरुमा फिर्ता गरी आमनागरिकको जीवन रक्षाका लागि योगदान गर्न अपिल गरिएको सिद्धार्थ उद्योग वाणिज्य संघका कार्यवाहक अध्यक्ष ठाकुरकुमार श्रेष्ठले बताउनुभएको छ ।

उहाले अक्सिजन उत्पादनका लागि उद्योगहरु निरन्तर विद्युत आपूर्तिको व्यवस्था मिलाउन नेपाल विद्युत प्राधिकरणलाई आग्रह गर्नुभएको छ ।  साथै, अक्सिजन उत्पादनलाई थप वृद्धि गर्दै हाल प्राथमिकतामा रहेका कोरोना संक्रमितहरुको पहुँच हुने गरी उत्पादन र वितरणमा विशेष ध्यान दिन उद्योगी व्यवसायीहरुलाई आग्रह गरिएको संघले जनाएको छ ।