मल धानको बीउमा हाहाकार , कि देऊ कि भारतवाट ल्याउन देऊ :अध्यक्ष

कपिलवस्तु २७ जेठ।मल ,धानको बीउ सिँचाईको अभावमा कृषकहरु छटपाईरहेका बेला कपिलवस्तु नगरपालिका वडा नम्बर ३ का वडाध्यक्ष प्रकाश गैरले मल उन्नत जातको धानको बीउ र सिंचाईको व्यवस्था गर्न सरकारसंग माग गर्नुभएको छ । अन्न भन्डारका रुपमा रहेको कपिलस्तुमा मल र सिंचाई नहुदा कृषकहरु चरम मारमा परेकोले अब सरकारले जसरी पनि मल र सिंचाईको ब्यवस्था गर्न उनले जोडदार माग गर्नुभएको हो ।

धानको रोपाईको सिजन सूरु हुन लागकोले युरिया र डिएपी मल र पानी चाहिएको बेला कृषकहरु त्यसबाट बंचित हुनु परेको उहाले भनाई रहेको छ । सिमित अनुदानको मलमा कृषि सहकारी कै हालीमुहाली रहेको र केही कृषकहरुले भारतबाट एक दुई बोरा मल ल्याउदा समेत सुरक्षाकर्मीले दुःख दिने गरेको उहाले बताउनुभयो । जिल्लामा ७२ हजार हेक्टरमा धान खेती गरिन्छ । र त्यसकालागि अहिले १० हजार बढी युरिया मल चाहिने कृषकहरु बताउछन ।

उता एक महिन भन्दा लामो लकडाउनले दैनिक ज्याला मजदुरु गरी गरी पेट पाल्दै आएका मजदुरहरुलाई तत्कालै राहत उपलब्ध गराउनु पर्ने उनले माग गरेका छन । आफुले वास्तविक पीडीतहरुलाई राहत उपलबध गराउन लागी परको भन्दै संघीय, प्रदेश र  स्थानीय सरकारले पनि राहतकालागि चाडो कदम चाल्न उहाले अपील गरेका छन ।