कपिलवस्तु ३ असार । कपिलवस्तुको शिवराज नगरपालिकाले बजेटको आकार बढाउने भएको छ । चालु आवको भन्दा आव ०७८/०७९ का लागि करिव १० प्रतिशतले बजेट बढ्ने नगर प्रमुख नेत्रराज अधिकारीले प्रेसपाटीलाई वताउनु भयो । नगर प्रमुख अधिकारीका अनुसार नगरले यहीँ असार १० गते बजेट ल्याउने सबै तयारी गरेकोछ । विभिन्न क्षेत्रबाट सुझाव संकलन गरी नीति तथा कार्यक्रम बनाइसकेको स्पष्ट पार्दै जनताका आकांक्षा उच्च नगरको श्रोतको सिमितता बीच बजेट आउने स्पष्ट पार्नु भयो ।
१ अरव बढीको वजेट आएपनि धेरै रकम चालु खर्चकालागी हुने भएकाले विकास निर्माणमा श्रोत अभावहुने उहाको भनाइछ । यस्तै कपिलवस्तु नगरपालिकाले पनि असार १० मै बजेट ल्याउने भएको छ । नगरको वजेटमा करिव १० प्रतिशतले बृद्धि हुने अनुमान रहेको मेयर किरण सिंह्ले प्रेसपाटीलाई जानकारी दिनु भयो । एक अरव भन्दा माथिको बजेट रहने उहाले प्रष्टाउनु भयो । यता कपिलवस्तुको विजयनगर गाउँपालिकाले पनि असार १० गते बजेट ल्याउने भएको छ । बिभिन्न क्षेत्रका सरोकारवालाबाट सुझाव संकलन गरी आर्थिक बर्ष २०७८ / ०७९ को वजेट ५१ करोडको सेरोफेरोमा ल्याउने तयारी भएको अध्यक्ष गोपाल वहादुर थापाले वताउनु भयो ।
प्रतिक्रिया