फैसलाले एमालेको एकताको अपरिहार्यता :योगेश

काठमाडौं ८ असार। कामचलाउ केपी शर्मा ओली नेतृत्वको सरकारले पछिल्लो चरणमा नियुक्त गरेका मन्त्रीहरुका बारेमा अदालतले गरेको निर्णयलाई नेताहरुले आ–आफ्नै अर्थ लगाउन थालेका छन् ।

नेकपा एमालेका युवा नेता योगेश भट्टराईले पनि अदालतको निर्णयप्रति एक ट्वीट गरेका छन् । मंगलवार ट्वीट गर्दै उनले अदालतका पछिल्ला फैसलाले नेकपा एमालेको एकताको अपरिहार्यतालाई नै जोड गरे जस्तो लागेको बताएका हुन् ।

उनले भनेका छन्, ‘एकताको पक्षमा उत्प्रेरणा नै मान्नु पर्छ । बुझ्नु पर्नेहरुलाई यो एउटा पाठ हो ।’ उनले अगाडि नेपाली उखान जोड्दै भनेका छन्, ‘भन्छन नि बुझ्नेलाई श्रीखण्ड नबुझ्नेलाई खुर्पाको बिंड ।’