प्रदेश योजना आयोगको उपाध्यक्षमा वामदेव सहित अन्य २ सदस्य नियुक्त

बुटवल १३ भदौ। लुम्बिनी प्रदेशको योजना आयोगको उपाध्यक्षमा वामदेव क्षेत्री घिमिरे नियुक्त भएका छन्।मन्त्रिपरिषदको आइतबारको बैठकले उनलाई लाई नियुक्त गर्ने निर्णय गरेको हो। आर्थिक विषयमा चासो राख्ने उनी माओवादी केन्द्रका नेता हुन्।

यस्तै आयोगको सदस्यमा शिवपुजन यादव, दामोदर भुसाल नियुक्त भएको सरकारका प्रवक्ता कृष्णध्वज खड्काले जानकारी दिए। ५ सदस्यीय आयोगमा बाँकी सदस्य पछि नियुक्त गर्ने उनले बताए।यस अघि नियुक्त ईश्वर गौतम सहितको टिमले स्वत अवकाश प्राप्त गरेको हो।