आजदेखि विद्यार्थीहरुको लागि एस्ट्रोजेनिका खोप लगाइने

कपिलवस्तु २१ भदौ । कपिलवस्तुको बाणगंगा नगरपालिकामा विद्यार्थीहरुको लागि एस्ट्रोजेनिका खोप लगाइने भएको छ । १८ उमेर समुह पुगेका विद्यार्थीको लागि १९ विद्यालय स्कुल र क्याम्पसमा खोप लगाउन लागिएको हो । नगरपालिकाद्धारा आइतबार जारी गरिएको सूचना अनुसार सोमबार, मंगलबार र बुधबार समय तोकेर खोप लगाइने जनाइएको छ ।

जिल्ला कोभिड १९ खोप समन्वय समितिको निर्णय अनुसार जिल्लाका बिभिन्न स्कुल र कलेजमा अध्ययनरत विद्यार्थीको खोप लगाइने छ । खोप लगाउन आउँदा विद्यार्थीले विद्यालयले प्रमाणित गरेको नामावली, उमेर खुल्ने प्रमाणसहित परीक्षा प्रवेश पत्र र एक जना अनिवार्य शिक्षक प्रतिनिधि लिएर आउनु पर्ने प्रमुख प्रशासकीय अधिकृत बासुदेव खनालले बताउनु भयो ।