कपिलवस्तु १ असोज ।कपिलवस्तुको बुद्धभुमि ३ दुवियामा शुक्रवार विद्युतको तार चुडिएर करेन्ट लाग्दा ४ भैँसी मरेका छन् । बिद्युत प्राधिकरणको दुवियामा रहेको सवस्टेशनले चुडिएको तार मर्मत नगर्दा स्थानीयले चराउन लगेकामध्ये चार भैँसी करेन्ट लागी मरेको बुद्धभुमी ३ का वडा अध्यक्ष गोविन्दप्रसाद आचार्यले बताउनुभयो ।
करेन्ट लाग्दा स्थानीय खडानन्द गैरे, विष्णुमाया खनाल, सुवास गैरे र पिताम्वर बेल्वासेको भैँसी मरेको इलाका प्रहरी कार्यालय गोरुसिङ्गेका प्रहरी निरिक्षक लिलामणी आचार्यले बताउनुभयो । शुक्रवार बिहान अन्दाजी १० बजे यात्रुबाहक बसले तार छोएपछि चुडिएर तार जमिनमा खसेको थियो । स्थानीयले इमिलीया फ्युज सेवा केन्द्रका कर्मचारी विष्णु केसीलाई जानकारी गराएका थिए ।
केसीले चुडिएको तार लठ्ठीले पन्छाउन सुझाव दिनुभएको स्थानीय धर्मराज गैरैले बताउनुभयो ।घटनास्थलदेखि सवस्टेशनको दुरी चार किलो मिटर टाढा भएपनि तार मर्मत नहुँदा भैसीलाई करेन्ट लागेको थियो । ४२ भैँसीमध्ये चार भैँसी बिद्युत तारमा छोइएपछि करेन्ट लागेको थियो ।
प्रतिक्रिया