माओवादीको लुम्विनीमा सबैभन्दा बलियो संगठन कून जिल्लामा छ ?

रुपन्देही २७ कार्तिक । लुम्बिनी प्रदेशमा नेकपा माओवादी केन्द्रको संगठीत सदस्यता करिब ९० हजार पुगेको छ । जस मध्ये सबैभन्दा बलियो संगठन रोल्पामा देखा परेकोछ । रोल्पामा करिव १५ हजार संगठीत सदस्यता पुगेको छ । लुम्बिनी प्रदेश पार्टी कार्यालयका सचिव सुदर्शन बरालका अनुसार प्रदेशका १२ जिल्लामा गरी हालसम्म ७४ हजारभन्दा बढी सदस्यको नाम कम्प्युटरमा इन्ट्री भइसकेको छ ।

निर्धारित समयभित्र क्रियाशील करिब ९० हजार क्रियाशील सदस्य पुग्ने देखिएको उनले बताए । उनका अनुसार माओवादी केन्द्रको क्रियाशील सदस्यता लिनेहरुको संख्या बढेको छ ।विगतमा मोहन वैद्य ‘किरण’ले पार्टी फुटाएपछि माओवादी केन्द्रले गाविस सम्मेलन गर्दा गुल्मीमा तीन हजार ६०० जनाले क्रियाशील सदस्यता लिएकोमा हाल सो जिल्लामा ५ हजार ३५७ जनाले कम्प्युटर मै सदस्यता इन्ट्री गरेका छन् । 

क्रियाशील सदस्यताका लागि अनलाइन आवेदन दिन सकिने व्यवस्था भएअनुसार रुपन्देहीमा ६ हजार ५३९ जनाले सदस्यता भरेका छन् । यस्तै, पाल्पामा ३ हजार ४६१ जना, नवलपरासी पश्चिममा ३ हजार २५१ जना, कपिलवस्तुमा ३ हजार ४२४ जना र अर्घाखाँचीमा २ हजार १५२ जनाले सदस्यता भरेका छन् ।त्यस्तै प्युठानमा ५ हजार ३२४, दाङ्गमा १३ हजार ९०५, बर्दियामा ११ हजार ७३६, रोल्पामा १४ हजार ८५९, रुकुम पश्चिममा ५ हजार ९५४ र बाँकेमा ८ हजार ९०२ जनाले सदस्यता भरेको बरालले बताए ।