काठमाडौं, १४ मंसिर । दसौं महाधिवेशनबाट निर्वाचित केन्द्रीय कमिटीको पहिलो बैठक चितवनमै बस्ने भएको छ। यस्तै नवनिर्वाचित केन्द्रीय कमिटीको शपथ ग्रहण पनि चितवनमै हुने भएको छ। विजयी नेताहरुको शपथ ग्रहणपछि बैठक बस्ने भएको हो। हाल सम्पन्न निर्वाचनको मतगणना जारी रहेको एमालेले जनाएको छ।
एमालेको १०औँ राष्ट्रिय महाधिवेशनअन्तर्गत मंगलबार पदाधिकारीतर्फ अध्यक्ष, उपाध्यक्ष र सचिवमा निर्वाचन भएको छ। यस्तै केन्द्रीय समितितर्फ खुला केन्द्रीय सदस्य, प्रदेश १ भौगोलिक क्षेत्र खुला, प्रदेश १ महिला, समावेशी क्षेत्रको दलित खुला, थारू खुला, पिछडिएको क्षेत्र र सुदूर प्रदेशको महिलातर्फ निर्वाचन भएको छ। अरू सबै पदमा सर्वसम्मत भएको थियो।
प्रतिक्रिया