हरि घिमिरे, १५ मंसिर ।
कपिलवस्तुको बाणगंगा नगरपालिकाले नगरको पहिचान सहितको आफ्नै लोगो बनाउने भएको छ । बुधवार बाणगंगा नगरपालिकाको कार्यपालिकाको बैठकले यस्तो निणर्य गरेको हो । नगरपालिकाको आफनै भवन चार नम्बर जितपुरमा भएको बैठकले बिभिन्न निर्णय समेत गरेको छ । बैठकले नगरपालिकाको आफनै लोगो बनाउनका लागी सुचना निकाल्ने भएको छ ।
नगरको आर्थिक ,सामाजिक, धार्मिक, पर्यटन तथा पुर्वाधारका क्षेत्रलाई समेटेर लोगो बनाइने छ । जसका लागी सुचना निकालिने र इच्छुकले बनाउन पाउने साथै त्यसैबाट उत्कृष्ट लोगोलाई नगरको लोगो मानिने नगरपालिकाका प्रवक्ता बिष्णु पौडेलले बताए ।
साथै बैठकले नगरमा भई रहेका बिकासका गतिविधीको समिक्षा समेत गरेको छ भने जिल्लाकै नमुना धार्मिक तथा पर्यटकीयस्थलको रुपमा चिनिएको श्री मनकामना संस्कृत विद्यापीठ तथा गुरुकुलमको सहयोगार्थ सञ्चालन भएको महायज्ञमा भोली आउने राष्ट्रपति बिद्यादेवि भण्डारीको कार्यक्रमलाई सफल पार्ने निर्णय भएको छ ।
साथै सम्पुर्ण नगरबासीलाई सो कार्यक्रममा उपस्थित हुन आग्रह गरिएको छ । बैठकमा नगरपालिकाका प्रमुख मगंल प्रसाद थारु, उप प्रमुख चक्र अर्याल, प्रमुख प्रशासकीय अधिकृत बासुदेव खनाल लगायतले आआफनो धारणा राखेका थिए ।
प्रतिक्रिया