शहीद स्मारक ए डिभिजन लिगमा सङ्कटाले पुलिसलाई हरायो

काठमाण्डौ, २७ मंसिर । शहीद स्मारक ए डिभिजन लिग फुटबलमा सङ्कटा क्लबले नेपाल पुलिस क्लबलाई हराएको छ ।

दशरथ रङ्गशालामा आज सोमवार भएको पहिलो खेलमा सङ्कटा क्लबले नेपाल पुलिस क्लबलाई एक–शून्य गोलले हरायो । सङ्कटाका लागि खेलको १८ औँ मिनेटमा निरज बस्नेतले गोल गरे ।

जितसँगै सङ्कटा आठ अङ्कसहित चौथो स्थानमा पुगेको छ । पुलिस पाँच अङ्क जोडेर सातौँ स्थानमा रहेको छ ।