पुराना कम्युनिष्ट कार्यकर्ता न्यौपानेको निधन

कपिलवस्तु २० माघ । नेकपा एमालेका केन्द्रिय सदस्य गिरधारिलाल न्यौपानेलाई पितृशोक परेको छ ।४ दशक भन्दा बढी कम्युनिष्ट राजनीतिमा जीवन बिताउनु भएका नेता न्यौपानेका पिताको माघ १९ गते निधन भएको हो ।८१ वर्षको उमेरमा निधन भएका स्व न्यौपानेका सन्तानहरु कम्युनिष्ट राजनीतिमा नेतृत्व तहमा कृयासिल छन् । स्वर्गिय न्यौपानेको पार्थिव शरिरलाई छोराहरु चुरामणि न्यौपाने, गिरधारिलाल न्यौपाने, राधेश्याम न्यौपाने, इश्वरि न्यौपाने, लिलापति न्यौपाने सहित पार्टीका नेता तथा कार्यकर्ताहरुको उपस्थितीमा गुल्मीको रिडिमा अन्त्येष्टि गरिएको छ ।

उहाँको स्वर्गारोहणसंगै एमालेका नेता तथा कार्यकर्ताले शोकाकुल परिवार प्रति समवेदना प्रकट गरेका छन् ।स्व. पिताको सानै देखिको कम्युनिष्ट प्रतिको लगाव र त्यागलाई अनुसरण गर्दै अगाडि बढेको छोरा गिरधारीलाल न्यौपानेले बताउनुभयो । स्वर्गिय न्यौपाने पुरानो कम्युनिष्ट कार्यकर्ताका रुपमा चिनिनु हुन्थ्यो ।