प्रेमभाव समेटिएको हेमन्तको नयाँ गीत ‘रुन्न भन्दा नि आँसु झर्दो रैछ’ सार्वजनिक

काठमाण्डौं, २४ असार ।
गायक हेमन्त शर्माको नयाँ गीत ‘ रुन्न भन्दा नि आँसु झर्दो रैछ’ ल्याएका छन् । उनले आफ्नै शब्द तथा संगीतमा यो गीत ल्याएका हुन् ।

प्रेमभाव समेटिएको सार्वजनिक गीतमा कृष्ण बिकको संगीत संयोजन सुन्न सकिन्छ । गायक शर्मालाई गायनमा रचना रिमालले साथ दिएकी छिन् ।

गीतको म्यूजिक भिडियोमा अभिनेत्री केकी अधिकारी र कम सिंह देखिएका छन् । सागर गैरेले निर्देशन गरेको भिडियो छायांकन उत्तम हुमागाईले गरेका हुन् । भिडियो सम्पादक नविन निरौला रहेका छन् ।