नागरिकता विधेयक पास भएपछि कपिलवस्तुमा दीपावली

बाणगंगा, ०७ साउन ।
कपिलवस्तुमा नागरिकता विधेयक पास भएको खुसीयालीमा दीपावली गरिएको छ। नेपाल नागरिकता पहिलो संशोधन विधेयक २०७९ प्रतिनिधि सभाबाट शुक्रबार बहुमतले पारित भएको छ ।

गृहमन्त्री बालकृष्ण खाणले प्रस्तुत गर्नुभएको प्रस्ताव बहुमतले पारित भएको हो । त्यसको खुसीयालीमा लोकतान्त्रिक समाजवादी पार्टी (लोसपा)ले शुद्धोधन गाउँपालिकामा शुक्रबार साँझ दीपावली गरेको छ ।

लोसपाका नेता तथा शुद्धोधन गाउँपालिकाका अध्यक्ष कमलेश शरण चौधरी लगायतको उपस्थितिमा दीपावली गरिएको थियो । लामो सयम देखि नागरिकता विधेयक अगाडी बढाउन लोसपाले सरकारलाई आग्रह गर्दै आएको थियो ।