अर्घाखाँचीको धनचौरमा एक बेवारिसे शव फेला

अर्घाखाँची, १७ साउन । अर्घाखाँचीको धनचौरमा एउटा बेवारिसे शव फेला परेको छ । भुमिकास्थान नगरपालिका वडा नम्बर १०, धनचौर पाकुको खोला नजिक एउटा पुरुषको शव फेला परेको हो ।

धनचौर बिटको प्रहरी टोली घटनास्थलमा पुगीसकेको छ भने जिल्ला प्रहरी कार्यालयको टोली पनि पुग्ने क्रममा रहेको छ । अविरल वर्षा परिरहेकाले जिल्ला प्रहरीलाई घटनास्थलमा पुग्न कठिनाई भईरहेको छ । युवा पुरुषको शव भएपनी कस्को हो भन्ने प्रहरीले पुष्टी गरेपछी मात्र थाहा हुने वडाध्यक्ष खगेश्वर पन्थीले जानकारी दिए । दुई दिन अँघी पाणिनी गाउँपालिकाको हत्याकाण्ड सेलाउन नपाउँदै भुमिकास्थानमा अर्को शव फेला परेको हो ।