मदन भण्डारी राजमार्गमा पुल नहुँदा सास्ती

तम्घास २९ भदौ ।
मदन भण्डारी राजमार्ग अन्तर्गत तम्घासदेखि सिमलटारी सडकखण्डमा पुल नहुँदा खोला मार्गमा परिणत भएको छ । सदरमुकाम तम्घासदेखि सिमलटारीसम्म २८ किलोमिटर कालोपत्रे रहेको मदन भण्डारी राजमार्ग छ ।
राजमार्गका खोलाहरूमा पुल नहुँदा जोखिम मोलेर यात्रा गर्न बाध्य भएको मालिका गाउँपालिका–५ का सन्तोष महताराले गुनासो गर्नुभयो । वर्षायाम र पानी पर्दा सो सडकबाट मोटरसाइकल लिएर जान नसकिने भन्दै राजमार्गको सडकलाई छाडेर जोखिम मोलेर कच्ची सडकहरू खोज्दै जान बाध्य भएको उहाँको भनाइ छ ।
खोलाहरू बढ्दा ठुल्ठूला गाडीहरू पनि बगाउने भएकाले आफूले डाँडाहरूको सडक खोजेर जानुपर्ने बाध्यता भएको उहाँले बताउनुभयो । नाम मात्रैको राजमार्ग भएको भन्दै खोलामा पुल नहुँदा खोला मार्ग जस्तो भएको उहाँको बुझाइ छ ।