बर्षौदेखि बसोबास गर्दै आएका भुमिहिन सुकुम्बासीलाई जग्गा दिलाउन नगर प्रतिवद्ध : मेयर अर्याल

पार्वती पाण्डे
कपिलवस्तु १७ साउन ।वर्षौदेखि बसोबास गरेका भुमिहिन सुकुम्वासीलाई अतिक्रमण भन्दै जिल्ला डिभिजन वन कार्यालय कपिलवस्तुले हटाउन थालेपछि भुमि अधिकार तथा श्रमिक संगठन नेपाल जिल्ला कार्यसमितिले आपत्ति जनाएको छ ।देशैभर भुमिको समस्या विकराल अवस्थामा छ त्यसैमा पनि कपिलवस्तु अझ बढी समस्यामा रहेको छ । जिल्लामा सामुदायिक वन पिडित , राष्ट्रिय वन , साझेदारी वन पिडित , सार्वजनिक ताल किनार , शसस्त्र क्याप पिडित लगायतका शोषणरुपमा भुमि उपयोगक लागि समस्याहरु रहेका छन । यी समस्याबाट २५ हजार घर परिवार पिडामा रहेको भुमी अधिकार संगठनले जनाएको छ ।

सुरक्षित घरबास सबैलाई खेती योग्य जमिन जोताहा किसानलाई भन्ने सिद्धान्तको आधारमा स्थानीय भुउपयोग मितिको भुमिव्यवस्थापन ऐन गर्नु पर्ने माग राखिएको छ । नेपालको संविद्यान २०७२ मा मौलिक हकमा प्रत्येक नागरिकलाई उपयुक्त आवासको हक हुनेछ , कुनै पनि नागरिकलार्य जोतभोगको बासस्थानबाट हटाइने वा अतिक्रमण गरिने छैन भनिएको छ । सुकुम्बासीलाई उठीबास लगाउने कार्य बन्द गर्न संगठनले जोडदार माग गरेको छ । त्यस्तै जग्गा उपभोग कर दिने व्यवस्था गर्नुपर्ने , कानुनमा उल्लेखित १० वर्षदेखि बसोबास गर्दै आएका नागरिकलाई सोहि आधारमा लालपुर्जा दिन भन्ने स्थानीय सरकारलाई भुमि सम्बन्धि अधिकार दिएको हुदा भुमिहिन सुकुम्वासीलाई लालपुर्जा दिने व्यवस्था गर्न माग गरिएको छ । भुमि अधिकार तथा श्रमिक संगठन नेपाल जिल्ला कार्यसमिति कपिलवस्तुले राखेको अन्तरसंवाद कार्यक्रमलाई सम्बोधन गर्दै वाणगंगा नगरका मेयर चक्रपाणी अर्यालले नगर भुमिहिन सुकुम्बासीको पक्षमा रहेको बताउनु बताउनु भयो । वर्षौ देखि जोतभोग गर्दै आएका सुकुम्वासीहरुलाई हटाउन नमिल्ने तर हालचाल सुकुम्बासीका नाममा वन अतिक्रमण गर्न नमिल्ने बताउनु भयो । नगरमा ९ हजार ५८ जना सुकुम्बासीलाई डिजिटल निस्सा बितरण गरिसकेको बताउदै ३ वटा वडामा नाप जाँचको काम समेत सकिएको बताउनु भयो ।
नगरले सुकुम्बासी समस्या समाधान गर्न अग्रसरता देखाए पनि लुम्बिनी प्रदेशको मुख्य मन्त्री कार्यालयले काम अगाडि नबढाउन भने पछि प्रदेशको कानुनको विषयलाई लिएर थप काम अगाडि नबढेको बताउनु भयो । उहाँले अगाडि भन्नु भयो , “हामी यस समस्याको लागि निरन्तर पहलमा छौ ”।कार्यक्रममा बोल्दै नगरका उपमेयर रीता कुमारी चौधरीले नगरपालिका भुमिहिन , सुकुम्बासीको पक्षमा रहेको बताउनु भयो । हामी जनप्रतिनिधि भएको हुदा जनतालाई परेको पिरमर्का , समस्या समाधान गर्न सदैब लाग्ने प्रतिवद्धता जनाउनु भयो । कार्यक्रममा संगठनका केन्द्रिय सचिव हिरालाल पौडेलले स्थानीय सरकारले सुकुम्बासीका समस्या तत्काल समाधान गर्नु पर्ने बताउनु भयो। कार्यक्रममा केन्द्रीय सदस्य मञ्जु थारुले सुकुम्बासी समस्या सम्बन्धमा प्रतिवेदन प्रस्तुत गर्नु भएको थियो । प्रतिवेदनमा वाणगंगा १० जयपुर भेलरैया , गोगापुर, बहादुरपुरमा हजारौं सुकुम्वासी पिडित रहेको बताइएको छ । कार्यक्रममा पिडितको तर्फबाट देवी प्रसाद पाण्डे , यमप्रसाद सुनार, शम्भु थारुले बोल्नु भएको थियो । भिमलाल गौतमको अध्यक्षता , संगठनका जिल्ला अध्यक्ष महेन्द्र भुषालको स्वागतमा भएको कार्यक्रममा वडा नं २ का वडा अध्यक्ष एवं नगर प्रवक्ता विष्णु पौडेल , वडा नं १० का वडा अध्यक्ष यम प्रसाद पौख्रेल , नागरिक समाजका अध्यक्ष दोलख वहादुर पछाई , पत्रकार महासंघका निर्वतमान उपाध्यक्ष पार्वती पाण्डे , राष्ट्रिय स्वतन्त्र पाटीका नगर अध्यक्ष बुद्धिसागर बेल्बासे लगायतले समसामयिक विषयमा बोल्नु भएको थियो । कार्यक्रममा संगठनका केन्द्रीय सचिव हिरालाल पौडेलले नगर प्रमुख चक्रपाणी अर्याललाई सुकुम्बासी समस्या समाधानका लागि ज्ञापन पत्र वुझाउनु भएको थियो ।