दाङ, २८ साउन । दाङमा खोलाले बगाउँदा एक जना बेपत्ता भएका छन् । घोराही उपमहानगरपालिका–११ झमरेका ६४ वर्षीय तिलकराम विकलाई पत्रे खोलाले बगाएर बेपत्ता बनाएको जिल्ला प्रहरी कार्यालय दाङका प्रहरी नायब उपरीक्षक (डीएसपी) राजनकुमार गौतमले जानकारी दिनुभयो ।
विकलाई घर नजिकै रहेको पत्रेखोलाले आज आइतवार बिहान बगाएको हो । ‘घरमा शौचालय नभएका कारण विक शौच गर्न सधैँ खोलामा जाने गर्ने गरेका थिए, त्यही क्रममा आज खोलामा गएको समयमा उहाँकलाई बगाएको भन्ने खुलेको छ’, डीएसपी गौतमले भन्नुभयो । अहिले बेपत्ता विकको खोजीका लागि प्रहरी परिचालन भएको छ ।
प्रतिक्रिया