चारनम्बर, ३१ साउन ।
राष्ट्रिय परीक्षा बोर्डले वैशाखमा सञ्चालन गरेको कक्षा १२ को नतिजा सार्वजनिक गरेसंगै कपिलवस्तुको बाणगंगा –४ सिद्धिपुर स्थित होराइजन अंग्रेजी आवासीय मा.वि.ले उत्कृष्टता हासिल गरेको छ ।
विद्यालयमा व्यवस्थापन संकाय अध्ययन गर्ने निश्चल आचार्यले ३.७३ जिपिए ल्याएर कपिलवस्तु प्रथम भएको विद्यालय प्रशासनले दाबी गरेको छ । यस्तै ३.७० जिपिए प्राप्त गरी नितेश शर्माले जिल्ला द्वितीय भएको विद्यालय प्रशासनको दाबी छ ।
विगतका दुई वर्ष एस.ई.ई.मा ४ जिपिए प्राप्त गरेको जिल्लाकै पहिलो क वर्गको विद्यालयले उत्कृष्ट रिजल्ट ल्याउन सफल भएको होराइजनले शिक्षा जगतमा राष्ट्रिय स्तरमै छवि बनाएको विद्यालयका प्राचार्य बासुदेव घिमिरेले बताए । घिमिरेले होराइजनले पटक पटक उत्कृष्ट रिजल्ट ल्याउन सफल भएकोमा विद्यार्थी,अभिभावक,प्राध्यापक तथा कर्मचारीलाई धन्यवाद ब्यक्त गरे ।
घिमिरेले होराइजनले विद्यालय तहमा उत्कृष्ट नतिजा ल्याउनका साथै होराइजनकै अभिन्न अङ्गको रुपमा सयपत्री क्याम्पस समेत सञ्चालन गरेको र क्याम्पसले समेत जिल्ला र प्रदेश स्तरमा उत्कृष्ट नतिजा ल्याउन सफल भएको बताए ।
प्रतिक्रिया