कपिलवस्तु, ०३ भदौ ।
होटल तथा पर्यटन व्यवसायी संघ कपिलवस्तुको सदस्यताका लागि भाद्र २० गते भित्र आवेदन दिन सकिने भएको हो । संघको साधारण सभा नजिकिए संगै सदस्यता नविकरण र नयाँ सदस्यताका लागि २० गते भित्रको समय सिमा तोकिएको हो ।
होटल तथा पर्यटन व्यवसायी संघमा आवद्ध व्यवसायीहरुको लागि समयमै नविकरण गर्न संघले आग्रह गरेको छ । संघले नयाँ सदस्यहरुको लागि पनि भदौ २० गते भित्र सदस्यता लिन सकिने जनाएको छ ।
संघले बाणगंगा नगरपालिकाका सबै स्थानका सदस्यहरुको नविकरण गरिसकिएको छ । बाणगंगामा उत्साहजनक रुपमा होटल व्यवसायीले नयाँ सदस्यता लिएको संघका अध्यक्ष रविन्द्र पौडेलले बताए । उनले जिल्ला भरि रहेका होटल व्यवसायीलाई संघमा आवद्ध हुन अपिल गर्दै भने, ‘हामि सबै समेटिनु आवश्यक छ ।’ संघ बलियो र एकताबद्ध भएमा कपिलवस्तुको होटल व्यवसाय तथा पर्यटन व्यवसायलाई प्रवद्र्धन गर्न सकिने उनले बताए ।
यस्तै संघले स्थापना दिवसको अवसर पारेर २ दिन पर्यटन प्रबर्द्धन संग सम्बन्धित विभिन्न क्रियाकलाप तथा बिपन्नलाई सहयोग जस्ता क्रियाकलापहरु गर्ने भएको छ । सोहि पश्चात भाद्र २२ गते संघको साधारण सभा गरिने जनाईएको छ ।
प्रतिक्रिया