कपिलवस्तु, १९ भदौ ।
कपिलवस्तु जिल्लाको बुद्धभुमि नगरपालिका वडा नः ९ इमिलियाबाट राजस्व छली गरि ल्याइएको करिब ७ लाख बराबरको अबैध जुत्ता चप्पल बरामद भएको छ । आज बिहान बुद्धभुमिको इमिलियामा रहेको आचार्य सु सेन्टरबाट सशस्त्र प्रहरी २८ गण नम्बरको टोलि र जिल्ला राजश्व कार्यालय कपिलवस्तुको टोलीले बरामद गरेको हो ।
विशेष सुराकीको आधारमा भन्सार छली गरी ल्यएका उक्त मुल्य बराबरका जुत्ता चप्पल सहित लु १८ ह ३८८३ नम्बरको टेम्पो र चालकलाई समेत पक्राउ गरिएको जिल्ला सशस्त्र प्रहरी कार्यालय कपिलवस्तुका प्रमुख जिवन के.सी ले रेडियो हर्ट विट सगँ बताउनु भएको छ ।
उक्त सु सेन्टरमा विगतमा पनि भन्सार छलिका समाग्र ल्याउने गरेको स्रोतको दाबी रहेको छ । बरामद गरिएका उक्त सामाग्री भन्सार कार्यालय कपिलवस्तुमा पठाइएको छ ।
प्रतिक्रिया